Авебдаҟьа  арҿыцра апроцесс мҩаҧысуеит

Қырҭтәыла ахада иофициалтә вебдаҟьа

Апрессмаҵзура   Ажәабжь ҿыцқәа   Қырҭтәыла ахада, лаҵара 14 рзы аофициалтә визитла Латвиатәи ареспублика даҭаауеит

Қырҭтәыла ахада, лаҵара 14 рзы аофициалтә визитла Латвиатәи ареспублика даҭаауеит

Аофициалтә визит аҳәаақәа ирҭагӡаны, Қырҭтәыла ахада Латвиа иреиҳаӡоу амаҵзураҭыҧқәа аанызкыло ахаҿқәа дырҧылараны дыҟоуп, урҭ иреиуп : Латвиа ахада Раимондс Веионис, Латвиатәи ареспублика Сеим аспикер Инара Мурниеце, Аҧыза-министр Артур Кришианис Кариншиси.
Латвиатәи ареспубликаҿы иҟоу Қырҭтәыла ацҳаражәҳәаҩ Ҭеа Маисураӡе лҳәамҭала, Латвиатәи ареспубликаҿы Қырҭтәыла ахада лвизит аҵакы ду амоуп ҩ-тәылак реиҩызаратә еизыҟазаашьақәеи, иара убас, аусеицуреи арҭбааразы.
,,Латвиа Қырҭтәыла аҵакырадгьылтә акзаареи ахьыҧшымреи, иара убас, Евроеидгылеи НАТОи рахь ҳтәыла аинтеграциеи иадгыло ҳәынҭқарроуп, уи акырӡа Қырҭтәыла иацхраауеит европатәи евроатлантикатәи интеграциа апроцесс аҿы", - илҳәеит Ҭеа Маисураӡе.
Лара лажәақәа рыла, аофициалтә аиҧыларақәа ирываргылны, Қырҭтәыла ахада Латвиа афбатәи ахада Ваира Вике-Фраиберггьы дылҧылоит.    НАТОи Евроеидгылеи рахь Латвиа алалара апроцесс лара лыхьӡ иадҳәалоуп. Сынтәа Латвиа иазгәарҭоит НАТОи Евроеидгылеи рахь алалара инаркны 15 шықәса аҵара.
Ишаҧу ала, авизит аҳәаақәа ирҭагӡаны,  Қырҭтәыла ахада  ақырҭуа студентцәеи ақырҭуа диаспори дырҧылоит.

Add to Twitter Add to Facebook