Авебдаҟьа  арҿыцра апроцесс мҩаҧысуеит

Қырҭтәыла ахада иофициалтә вебдаҟьа

Апрессмаҵзура   Ажәабжь ҿыцқәа   Атәыла ахада, Латвиа, ақырҭуа студентцәеи аҵаратә программа иалахәы аҳәынҭқарратә маҵзуҩцәеи дырҧыл

Атәыла ахада, Латвиа, ақырҭуа студентцәеи аҵаратә программа иалахәы аҳәынҭқарратә маҵзуҩцәеи дырҧылеит

 

Қырҭтәыла ахада Саломе Зурабишвили Латвиа лвизит иалагеит ақырҭуа студентцәа рҟны аиҧылара ала, аиҧылара рхы аладырхәит Латвиа адәныҟатәи аусқәа рминистрра имҩаҧнаго хымзтәи аҵаратә программа иалахәы аҳәынҭқарратә маҵзуҩцәа.  Саломе Зурабишвили асасцәа драцәажәеит Латвиа лвизит иазкны, лара ишазгәалҭаз ала, Балтиатәи атәылақәа Евроеидгылеи Натои рахь аинтеграциа апроцесс аҿы Қырҭтәыла иадгыло аҳәынҭқаррақәа иреиуп, убри аҟынтә, зыӡбахәы ҳәоу авизит аҵакы ду амоуп.   Ҩ-ганклатәи аизыҟазаашьақәа ирыдҳәаланы ахада ишылҳәаз ала, акультуреи аекономикеи аусхкқәа рҿы арҭ аизыҟазаашьақәа рырҭбааразы алшарақәа иҟоуп.  Астудентцәа атәыла ахада илацәажәеит наҟ-наҟтәи рпланқәа ирызкны, урҭ ишырҳәаз ала, аҳәаанырцә иреиҳаӡоу аҵара зауз астудентцәа рыҧсадгьылахь ихынҳәны атәыла аҿиара иацхраарц азыҳәан,  рҵаҵгәра иазырҳатәуп. Атәыла ахада ишылҳәаз ала, атәыла ҳаҧхьаҟа аҿиара нанагӡарцаз, аҳәынҭқарра астратегиа амазароуп  - иаҳҳәап, хышықәса рышьҭахь зегьы реиҳа ирҭаххо азанааҭқәа рдыруазароуп, уи астудентцәа азанааҭ алхраҿы ирыцхраауеит. Аиҧылара иалахәыз  иқәыҧшу ақырҭуа аҳәынҭқарратә маҵзуҩцәа  Латвиа адәныҟатәи аусқәа рминистрра имҩаҧнаго хымзтәи аҵаратә программа  ,,Евроеидгыла азини аекономикеи" иалахәып, Евроеидгыла иалоу аҳәынҭқаррақәа рҧышәа  ашьаҭа ала, евроинтеграциа апроцесси  аҳәынҭқарратә маҵзура аусура апроцесс аҷыдарақәеи ҭырҵаауеит. Аиҧылара рхы аладырхәит аҳәынҭқарратә маҵзура ахаҭарнакцәа:  Аҩнуҵҟатәи аусқәа рминистрреи, аиҳабыра русмҩаҧгарҭеи, Аҧсабарахьчара аминистрреи, Аиустициа аминистрреи, Адәныҟатәи аусқәа рминистрреи, Иреиҳаӡоу аӡбареи, Жәлар рыхьчаҩ иаппарати аҟынтә. Иара убас, иҳәынҭқарратә асектор ахаҭарнак  - Иқәыҧшу аиуристцәа рассоциациа аҟынтә.
Add to Twitter Add to Facebook