Авебдаҟьа  арҿыцра апроцесс мҩаҧысуеит

Қырҭтәыла ахада иофициалтә вебдаҟьа

Апрессмаҵзура   Ажәабжь ҿыцқәа   Саломе Зурабишвили: Ахақәиҭреи, ахьыҧшымреи, ауаҩытәыҩса изинқәеи, адемократиеи – абарҭ апринципқәа

Саломе Зурабишвили: Ахақәиҭреи, ахьыҧшымреи, ауаҩытәыҩса изинқәеи, адемократиеи – абарҭ апринципқәа роуп ҳареи Америкеи ҳаидызҳәало, ҳара арҭ апринципқәа ҳрықәшаҳаҭуп

244 шықәса раҧхьа  Еиду Америкатә Штатқәа ахьыҧшымра адеклараициа рнапы аҵарҩит.
Ари амш амилаҭқәа зегьы рҭоурых аҿы аҵакы ду амоуп ахатә символика мацарала акәымкәа, амилаҭ еидызкыло апринципқәа рылагьы.
Адунеи зехьынџьара абарҭ апринципқәа рдыруеит: ахақәиҭреи, ахьыҧшымреи, ауаҩытәыҩса изинқәеи, адемократиеи.  Абарҭ апринципқәа рылоуп ҳаргьы Америка ҳазладҳәалоу, ҳара абарҭ апринципқәа ҳрыкәшаҳаҭуп.  Ахьыҧшымра аиура ашьҭахь арҭ апринципқәа  ҳтәыла Аконституциақәа зегьы рҿы иарбоуп, ҳара абри амҩа ҳаныланы ҧхьаҟацара ҳаҿуп.

Уажәшьҭа  30 шықәса инагӡо ари амҩаҿы Америка еснагь Қырҭтәыла иадгылоуп, евроатлантикатәи интеграциеи,   аҵакырадгьылтә акзаара аиҭашьақәыргылареи, ҳаруаа рырҿиареи разыҟаҵареи аҿы иҳацхраауеит. Ҳара Америка ҳавагыланы, ари амҩа ҳахысит.

Иахьа адунеи зегьы ҳасабтәк ауп иамоу  - иубарҭам аҕа иҿагылара.

Ганкахьала,  атәылақәа зегьы хаз-хазы ари апроблема иаҿагылароуп ҳәа ҳгәы иаанагар ауеит. Аха, реалра, ҽакалоуп аусқәа шыҟоу, ҳара ишаабаз ала, абри аглобалтә проблема аӡбаразы аглобалтә аидгылара аҭахуп, ҳара ибзиаӡаны иаадыруеит Америка ари аус аҿгьы ахадаратә роль шынанагӡо.

Ҳара ибзиаҵәҟьаны иаадыруеит  Америка ала ҳтәылаҿы ишьаҭаркыз Лугар ицентр ишҳацхрааз. Ҳҳақьымцәеи америкатә аҳақьымцәеи русеицура ақәҿиара ду ахылҵит.  Ҳара ибзиаӡаны иаадыруеит Қырҭтәыла апандемиа алҵшәақәеи, иара убас, аекономикатә кризиси раҧыхраҿы Америка афинанстә цхыраара ҵакыс иамоу, аха ари адгылара ганкахьала мацара акәӡам ишыҟоу.

Иахьа Америка апроблемақәа шырацәоу аадыруеит  - апандемиа аекономикатәи асоциалтәи кризис ҕәҕәа ахылҵит. Апандемиа амшала иҧсыз ауааҧсыра рҭаацәарақәа срыдашшылар сҭахуп, инеизакны америка жәлар зегьы сышрыдгыло рдыруазар сҭахуп. Абри акризис ҳаналҵлак иаҳа ҳаҕәҕәазаауеит, уи ҳаидгылара иабзоурахоит.
Даҽазнык ишәыдысныҳәалар сҭахуп иахьатәи амш, иара убас, Америка инхо ақырҭуаагьы иахьатәи амш рыдысныҳәалоит.


Add to Twitter Add to Facebook