მიმდინარეობს ვებგვერდის განახლება

საქართველოს პრეზიდენტის ოფიციალური ვებგვერდი

პრესსამსახური   სიახლეები   საქართველოს პრეზიდენტი ეუთო-ს საპარლამენტო ასამბლეის გენერალურ მდივანს შეხვდა

საქართველოს პრეზიდენტი ეუთო-ს საპარლამენტო ასამბლეის გენერალურ მდივანს შეხვდა

საქართველოს პრეზიდენტმა გიორგი მარგველაშვილმა ეუთო-ს საპარლამენტო ასამბლეის გენერალური მდივანი სპენსერ ოლივერი მიიღო. შეხვედრისას მხარეებმა ოკუპირებულ ტერიტორიებზე არსებული ვითარება განიხილეს. საქართველოს პრეზიდენტმა კიდევ ერთხელ დაგმო აფხაზეთსა და რუსეთს შორის ე.წ. ხელშეკრულება „მოკავშირეობისა და ინტეგრაციის შესახებ“ და ცხინვალის რეჟიმთან მსგავსი დოკუმენტის გაფორმების პროექტი. საუბარი ასევე შეეხო რეგიონში არსებულ უსაფრთხოების გარემოს და რუსეთის ფედერაციის პოლიტიკას საქართველო და უკრაინასთან მიმართებაში. მხარეებმა საქართველოსა და ეუთო-ს შორის არსებული თანამშრომლობაც განიხილეს და ეუთო-ს საპარლამენტო ასამბლეის 25-ე წლიურ სესიაზეც იმსჯელეს, რომელსაც 2016 წელს საქართველო უმასპინძლებს, გიორგი მარგველაშვილმა საუბრისას სესიის მნიშვნელობაზე გააკეთა აქცენტი. შეხვედრას უშიშროების საბჭოს მდივანი , პრეზიდენტის ადმინისტრაციის უფროსი და პრეზიდენტის მრჩეველი საგარეო ურთიერთობების საკითხებში დაესწრნენ.

Add to Twitter Add to Facebook