მიმდინარეობს ვებგვერდის განახლება

საქართველოს პრეზიდენტის ოფიციალური ვებგვერდი

პრესსამსახური   სიახლეები   საქართველოს პრეზიდენტი "თავისუფალი დემოკრატების" ლიდერებს შეხვდა

საქართველოს პრეზიდენტი "თავისუფალი დემოკრატების" ლიდერებს შეხვდა

საქართველოს პრეზიდენტი დღეს "თავისუფალი დემოკრატების" ლიდერებს შეხვდა. შეხვედრის მთავარი თემები ოკუპირებულ ტერიტორიებზე - აფხაზეთსა და ცხინვალის რეგიონში შექმნილი ვითარება და რუსეთის მიერ საქართველოს ოკუპაციის საკითხები იყო. გიორგი მარგველაშვილმა პარტიის წარმომადგენლებისგან მათი პოზიციისა და ახალი ინიციატივების თაობაზე მოისმინა ინფორმაცია და მათ საკუთარი მოსაზრება გააცნო. როგორც საუბრისას აღინიშნა, აუცილებელია ყველა ძალის კონსოლიდაცია, რათა პრობლემის გადაჭრის ოპტიმალური გზა მოიძებნოს. საუბარი ასევე შეეხო სამომავლო ნაბიჯებს ქვეყნის უსაფრთხოების გასამყარებლად და საერთაშორისო თანამეგობრობის გააქტიურებას ამ მიმართულებით. როგორც ირაკლი ალასანიამ განაცხადა, თავისუფალი დემოკრატები ემხრობიან პრეზიდენტის მოსაზრებას საქართველოში შედგეს საერთაშორისო ფორუმი, რომელზეც ამ პრობლემურ საკითხებზე იმსჯელებენ. შეხვედრისას, ასევე განიხილეს ისეთი თემები, როგორიცაა საქართველო-რუსეთის ურთიერთობის, ქვეყნის საგარეო პოლიტიკის, თავდაცვისუნარიანობის ამაღლების აუცილებლობისა და იმ კონკრეტული ნაბიჯების შესახებ, რომლებიც ამ მიმართულებით უნდა გადაიდგას. ყურადღება მათ დევნილთა პრობლემებზეც გაამახვილეს.   

„თავისუფალმა დემოკრატების“ წარმომადგენლებმა დადებითად შეაფასეს პრეზიდენტის ინიციატივა შეხვედრა გაემართა პოლიტკურ პარტიებთან ქვეყნის მნიშვნელოვან  გამოწვევებთან დაკავშირებით და აღნიშნეს, რომ მსგავსი შეხვედრები კვლავაც უნდა გაიმართოს. 

შეხვედრას „თავისუფალი დემოკრატების მხრიდან ესწრებოდნენ ირაკლი ალასანია, მაია ფანჯიკიძე, ვიქტორ დოლიძე და ირაკლი ჩიქოვანი. დიალოგში მონაწილეობა მიიღეს ასებე უშიშროების საბჭოს ხელმძღვანელმა პირებმა ირინე იმერლიშვილმა და ივლიანე ხაინდრავამ, ადმინისტრაციის უფროსმა დავით პატარაიამ და პრეზიდენტის მრჩევლებმა გიორგი აბაშიშვილმა და თენგიზ ფხალაძემ. 

Add to Twitter Add to Facebook