მიმდინარეობს ვებგვერდის განახლება

საქართველოს პრეზიდენტის ოფიციალური ვებგვერდი

პრესსამსახური   სიახლეები   საქართველოს პრეზიდენტმა "წინანდლის პრემია" აღადგინა

საქართველოს პრეზიდენტმა "წინანდლის პრემია" აღადგინა

საქართველოს პრეზიდენტის გიორგი მარგველაშვილის ხელშეწყობით აღდგა "წინანდლის პრემია“,  რომლის  მიზანია ახალგაზრდა მეცნიერთა და შემოქმედთა წახალისება. აღნიშნულის თაობაზე ქვეყნის პირველმა პირმა შესაბამისი განკარგულებაც გამოსცა. გიორგი მარგველაშვილის მხარდაჭერით, "ზურაბ ჟვანიას ფონდი" კვლავაც აცხადებს კონკურსს აღიშნული პრემიის მოსაპოვებლად.

"წინანდლის პრემია" 1999 წელს ზურაბ ჟვანიას ინიციატივით დაარსდა და მიზნად ისახავდა ახალგაზრდა მეცნიერებისა და შემოქმედების წახალისებასა და თანამედროვე ნამუშევრების საზოგადოებისთვის წარდგენას. პრემია გადაეცემა 18-30 წლამდე ახალგაზრდა მეცნიერებსა და ხელოვანებს, რომლებმაც ერთი წლის განმავლობაში განსაკუთრებულ წარმატებას მიაღწიეს და გაიმარჯვეს ნომინაციებში: თეატრალური ხელოვნება, კინოხელოვნება, მხატვრული ლიტერატურა (პროზა), მხატვრული ლიტერატურა (პოეზია), მუსიკა, ფოლკლორი, სახვითი ხელოვნება და მეცნიერება. "წინანდლის პრემიის" ლაურეატები იყვნენ რატი ამაღლობელი, ნიკოლოზ რაჭველი, ლაშა ბუღაძე, ნინო კასრაძე, ნატო მეტონიძე და სხვები.

Add to Twitter Add to Facebook